Nidaamka burburinta anshaxa iyo akhlaaqda bulshooyinka iyo ummadaha (Subversion process of psychological warfare)

Dib u eegis iyo dib u fahfaahin

Nidaamka burburinta akhlaaqiyaadka iyo ummadaha waa nidaam lagu burburinayo hab-fikirka iyo Hab-dhaqanka ummadaha, waxaana laga hirgaliyay midowgii soofiyeeti. Nidaamkan oo asalkii hore laga soo min guuriyay, hab maamuulki boqortooyadii shiinaha ee (Judo ama Marshal Art) oo uu aasaase u ahaa (Sun Tzu) oo ah xeel-dheere siyaasadeed oo dajin jiray xeeladaha dagaalka. nidaamkan ayaa waxaa fashiliyay oo daaha ka rogay nin lagu magacaabi jiray [ Yuri Bezmenov ], Oo baxsad ahaan lagu macagaabi jiray [Tomas David Schuman] kana Tirsanaa Hayaddi sirdoonka midowga soofiyeet ee | KGB |, ninkan ayaa sii lama filaan ah uga baxsaday Midowgii soofiyeeti, isago marka kadib magangalyo siyaasadeed ka helay dawladda (kanada). Kadib helitaankii magangalyo waxaa uu Yuri Bezmenov barafasoor ka noqday jaamacado ku yaalay kanada iyo maraykan, taaso ugu dambeyntii uu ku fashiliyay kana warbixiyay qaabka nidaamkan soofiyeeti uu shaqeeyo iyo halistiisa, sido kale waxaa u banaanka keenay bar tilmaameedyadda uu midowga soofiyeeti ku wado hab-nidaamkan Masiiriga ah, isago kaashanaya khibrahadiisa fikireed ee aragtidan.

Haddaba Midowgii soofiyeeti damaca uga gonleyihin nidaamkan waxay ahayd in ay dumiyaan nidaamyada bulsheed iyo kuwa siyaasadeed ee ummadaha reer galbeedka ee xifiltanka iyo awoodeysiga caalamiga ihii kala dhaxeeyo, sido kale ummadaha ay la damacsanyihiin arrimaha iyo aragtiyooyinkooda bulsheed, siyaasadeed iyo maba'dida shuuciga ah ee hanti-wadaaga (communism). Aan soo qaato faham guud oo ku saabsan khibradda Yuri iyo ujeedadda shirqoolka nidaamkan. (Jebinta dowladnimada iyo qaab dhismeedka umadda, waxaan si sax ah u eegii karna ugu yaraan sida laga soo xigtay Yuri Bezmenov, wakiil hore oo KGB ah. Intii lagu jiray sanadihii 1960-meeyadii, Bezmenov wuxuu u adeegi jiray KGB ugu horrayn wuxuu fuliyay qorshee Hindiya ah halkaasoo uu ku faafiyey dacaayadaha Soofiyeeti iyo Wajiyada xun ee dunida Galbeedka. Ugu dambeyntiina wuxuu u goostay Galbeedka 1970kii wuxuuna degay Kanada halkaasoo uu wax ku barayay isla markaana wax ka qoray farsamooyinka KGB ee loogu tala galay jebinta ummadaha reer Galbeedka iyo caalamkaba. Sanadkii 1985kii waxaa lagu soo qaaday wareysi telefishan oo wali laga heli karo YouTube-ka. Intii lagu gudajiray wareysiga, Bezmenov wuxuu sharraxay howlaha KGB inay yar yihiin laakiin ay aad uu culustahay fulintooda taas oo ku saabsan basaasnimo xagga daneysiga soo jireenka ah. Iyado (kaliya 15 boqolkiiba) ay aad uga walaacsan yihiin kooxihi sirdoonka ee ku shuqulka laha nidaamkan "Ideological Subversion", taaso (85 boqolkiiba), loo adeegsaday in si qarsoodi ah loogu wiiqo dowladaha galbeedka iyo Mareykanka iyada oo loo marayo dagaal nafsi ah. Furaha nidaamkan waa in la beddelo aragtida dhabta ah iyadoo la adeegsanayo farsamooyinka maskaxda ee duminta muddo dheer. Sidaan hore u soo qoray, dadku waxay kudhaqmaan aragtidooda dhabta ah, iyadoon loo eegin haddii ay sax tahay ama been abuur tahay. Laakiin inay dheefaan dawladda soofiyeetku waxay ku xirantahay waa Iyado bilowga sii dadban looga marayo hogaanka umaddaha, sido kale Ma ahan wax aad uga walaacsanaan doonaan bulshadu haddi ay dhaadan kari waayan macnaha xaqiiqooyinka danbe ee iman kara, maadaama ay yihiin aragtiyo iyo dano shaqsiyadeed. Balse hogaamiyaasha qaar ee garaadka laga maamulayo Iyaga oo xakameynaya dareenka dadka, waxay u nugul yihiin inay sameeyaan go'aanno qalad ah sidaasna u fududeeyaan khalkhalgelinta dadka. Ujeedada culus ee barnaamijka KGB waa dheeryahay, sidaa darteed, waa in dadka loo sawiro humaagyo ka fog xaqiiqada dhabta ah isla markaana loo tilmaama inay xaqiiqadu tahay khiyaano xitaa haddii ay jiraan waxyaabo muuqda. kadib fashilaaddii uu sameeyey yuri bezmenov, iyo cadhadi ka dhalatay midowgii soofiyeeti, isla markaana ugu hanjabtay yuri inay khaarijin doonaan, oo ay ka argoosan doonaan, kadib baxsadkiisi, ayaa nidaamkan waxaa markii danbe dabaqay dawladaha reer galbeedka iyagoo ku saleynaya hab-raaca iyo istratijyaadka uu dejiyay dhagar- qabe yuri bezmenov.

Soofiyeetka iyo nidaamkiisii

Haddaba soofiyeetkuu sii uu bilaabo fulinta nidaamkiisa waa inay ugu horeyn qurxiyaan nidaamkoogas ee burburinta akhlaaqiyaadka iyo ummadaha, oo ay ummadaha hab-fikirkoogada ka dhaadhiciyaan in ay muuq siiban haldoorka iyo hogaankooda Daacadyahanka ah ee ay ummaddaasi leedahay, iyado laga sareysiinayo maangaabka iyo hogaankooda kha'iinka ah ee ay leedahay umaddaasi.

Taaso ugu dambeyn sababi karta dhalashada marxalad xasaasi ah oo kala guur bulsheed ah, isla markaana dhalinaysa in ay soofiyeetku awoodaha siyaasadeed uga soo weeraraan shakhsiyaadka ay ka filan karaan in uu dabaqi karo nidaamka iyo qorshayashooda ee ku saleysan nidaamka maamulka keli-gaarista ah ee (bureaucracy).
Sii ay taa uu hirgeliyaan waxaa ay ka bilaabii doonaan dhinacyada ah.

1. Diimaha 2) Waxbarashadda 3) Bulshadda
2. Awooda ciidanka 5) Siyaasadda iyo maamuulka.

Haddaba soofiyeetku iyago tilmaansanaya ama fiirinaya dhinacyada ay ummduhu ka wiiqmi karaan, waxay qorsheyeen oo ay ku saleeyen nidaamkoogas in umadaha dhexdooda laga abuuro afar Marxaladood oo muuq siibis ah, oo kala ah
1-(Demoralization) ee niyad jebinta shucuubta iyo
2-(Destabilization) oo ah abuuris xasilooni darro baahsan,
3-(Crisis) Xiisad iyo qalaalase siyaasadeed
4-(Normalization) xaalad daganaansho oo jahwareer ku dhisan

Sii ay ugu suurtogasho dabaqidda nidaamkan burburinta akhlaaqiyaadka iyo ummadaha. Qiyaas ahaan hirgelinta iyo fulinta qorshaha oo dhamaystiran waxay qaadata laga bilaabo 2 sano ilaa 25 sano, waxaana jira dhawr ummadood ama dawladood oo ay midowgii soofiyeeti ka hirgeliyeen nidaamkoogas, dawladahaas waxaa kamida ahayd dawladdi rayidka ahayd ee koonfurta Vietnam oo uu janjeertay dhinaca reer galbeedka. Konfuurta Vietnam oo uu markii ugu horeysa midowgii soofiyeeti ku tijaabiyay, kadib dadaal dheerad ah oo ay geliyeen fulinta qorshahaasi. Sababta damaca soofiyeeti keentay waxaa ay tahay xiligaas oo midowgii soofiyeet ay ku bahoobeen dawlado iyo gobolo bariga yurub ahaa, ayaa waxaa dawladdi shuuciga ahayd galay damac ah dhul balaarsii xagjirnimo oo ay ku doonayeen in waddamada qaar ay ka dalbadaan midnimo istraatijiyadeed, waxaanay keentay in waddamada qaar ay ku gacan-sayran dalabkaas, Dawladaha ku gacan sayray waxaa ka mid ahayd Dawladdi rayidka ahayd ee konfuurta Vietnam oo qani ku ahayd saliidda qayriin, taaso ku dhalisay midowgii soofiyeeti in uu qorsheeyo nidaamkiisaas oo uu ku fuliyo damaca ay daaranyahay indhihiisu. Waxaanu ugu horeyn ka dhex abuuray gudaha Vietnam, shabakad Balaaran oo xog- ogaal raadinta uu qaabilsan, sii ay uu helan xogo iyo siro ku saabsan Dawladda Vietnam. Sidoo kale midowgii soofiyeeti wuxuu abaabulay kacdoono iyo dagaal ka dhan ah koonfurta, isago kaashanaya waqooyiga Vietnam oo shuuci ahayd iyadu. Halkaasna waxaa ka bilawday dagaalkii Vietnam ee Reer galbeed iyo Reer barriga caalamka oo kala afkaar siyaasadeed ahaa ay ku loolamaan, waxaana ay natiijadu noqotay jabka reer galbeed iyo jebinta ciidankii magaalada hanoi ka talin jiray ee konfuurta Vietnam. kadib wakhti dheer oo geedi socod siyaasadeed iyo burburin dawladeed oo uu soofiyeetku ku hayay Vietnam, waxay keentay in madaxdii mayalka adkeyd ee dawladda Koonfurta vietnam in ugu danbeyn la khaarijiyo, dawladdi soofiyeetna ay sii xagjirnima ah uu qabsato dhulka vietnam, sidaasna ugu darsato midowgeedii.

Laakiin midowgii soofiyeetii waxaa uu lahaa ahdaaf kale oo aad uu adkeyd fulinteedu sii ay uu hirgasho faafidda fikradaha shuuciga ah ee hanti-wadaaga (communism) , waxaana kamid ahaa dawladdaha lagu fuliyay nidaamkaas burburineed, sida dawladaha Hindiya, Maraykanka, Isbaanishka, Soomaaliya, Koonfurta Vietnam, Tajikstan, Turkmenistan, Hungury iyo Dawladdi jarmalka bari. Waxaana jiray xaqiiqo aanay ummadaha caalamku xilligaas ogeyn, kuwaas oo ahaa in soofiyeed iyo xullafadiisu lahayeen haayado sirdoon oo aad uu xeeldheera kuwaaso siraha iyp xogaha daanta galbeed aad uu soo dhici jiray, kana sameyn jiray ku tiri kuteeno iyo dacaayado ceebeys ah oo la doonaayo in maryaha looga siibo nidaamyada galbeedka iyo afkaartooda oo la doonayay in laga suuliyo caalamka iyo siyaasaddiisaba.

Hadaba marka la tixraacayo hababkii uu u shaqeyn jiray nidaamka burburinta akhlaaqiyaadka iyo ummadaha, wuxuu soo mari jiray afar marxaladood oo wakhtiyo gaar ah lagu fulin jiray, waxaana ku saleynayaa aragtida iyo khibradaha jaalle Yuri Bezmenov.

1. Demoralization: Marxaladda niyad jebinta

Marxaladan xasaasiga ah waxaa uu soofiyeetku ku cayimay saddex waax oo kala ah
B) AFKAARTA - T) QAAB-DHISMEEDKA - J) NOLOSHA GUUD

B) AFKAARTA :-

qaybtani waa qaybta badanka ummadaha afkaartooda iyo aaminsanaantooda lagu khalkhalin jiray.
Qaybtan ayaa uu sii kala baxda afar qayb oo kala ah

QAYBAHA AFKAARTA :

1. Diinta:- Diimuhu waa udub dheexaadka hab-dhaqannadda ummaddaha, haddaba Marka laa doonaayo in diinta ama caqiidada laga weeraro bulshooyinka waa in laga aamin saara diinta

• Qaababka weerarka :- Waa in loo isticmaala habab kala duwan oo dheelitaan ah iyadoo la siyaasadeynayo, la iib geynayo, lagu madadaalanayo.
• Natiijada :- Rabitaan la'aan iyo Lunsanaan Diimeed.

2. Waxbarashadda:- sida la rumeysanyahay wax barashadu waa habka ugu sahalsan ee ummad hab-fikirkeeda lagaga badalan karo ama lagu lunsan karo, waxaana loo maraa istratijiyado xeel dheer oo waafaqsan nidaamka aqooneed ee wakhtiga la joogo.

• Qaababka weerarka :- Ardayda oo ogolaansho loo siyo, inay heerarkay doonaan geli karaan iyadoon lagu saleynayn hab-fikirkooda iyo aqoontooda, iyo is xigteysii iyo is qaraabeyn ka dhex aloosama ardayda dhexdooda.
• Natiijada :- Jaahilnimo iyo Aqoon-darro ama mid tayo liidata.

3. Saxaafadda ama Warbaahinta :- runtii dhinacyada Kala duwan ee warbaahintu waa rugaha iyo xuddunta ugu saameynta badan ee weerarada burburinta akhlaaqiyaadka umaddaha, waana meel leh saameyn joogto ah oo soo noqnoqda, oo aanay dadku dhaadanayn.

• Qaababka Weerarka :- Garaad maamul, warbaahinno ku dhisan hayb iyo qoleysi, Khiyaano iyo been abuurro aan xaqiiqo ku dhisnayn iyo caqliga dhugtaha oo laga dhaadhiciyo arrimo been abuur ah (propoganda).
• Natiijada :- Mara-habaabin caqliyeed, Isku dhex yaac Aragtiyeed, siyaasad kala duwanaan bulsheed oo ay sababtay xaaladda (Media Myopia), iyo faafitaanka fikradda shuuciga ah ee (Communism)

4. Dhaqanka:- Mid kamida tiir-dhexaadyada ummadaha, runtii dhaqan beddeliddu waa salalka ugu horereya ee dumitaanka ummadaha, taaso oo u nugul nidaam burburiska akhlaaqiyaadka umaddaha.

• Qaababka weerarka :- abuuritaanka fikrado iyo aragtiyo xoreynaya dhaqannada xun ee jinsiga-ku dhisan, Ku dhiirigelinta jiilalka iyo dhalinta in jiilal hore oo dhaqan iyo aqoon dumis ahaa in ay ku daydaan iyo in ummadaha la jecleysiyo kuwooda jaahilka ah iyo sidoo kale sameynta barnaamijyo iyo qorshayaal lagu doonaayo in lagu faafiyo nolosha maaddiyadnimada taageeraysa ee calmaaniyadnimada iyo alle-koodka taageeraysa, abuuridda barnaamijyo tageeraya nidaamyada Post-modernismka
• Natiijada :- Kaga dayasho qabatin leh, isla markana keenta anshax xumo, iyo mustaqbal dhuumis ah, faafka afkaarta maaddiga ah iyo soo baxitaanka jiilal alle kood ah oo maaddiyiin ah. Faafka dhaqanka xun ee galmoonimada iyo danyeernimada ah.

T) QAAB-DHISMEEDKA :-

Qaybtani waa laf-dhabarta ay ummadi ka dhisantahay oo khalkhal gelin siyaasadeedna laga dhex aloosi karo, islama markaana uu bahan fiiro-fogaan sare

QAYBAHA QAAB-DHISMEEDKA: 1. Sharciga iyo Amarka:- Si loo naafeeyo, oo looga kalsooni baxo, isla markana saaxadda bulshada looga saaro sharciga iyo kala dambeynta waa in arrimahan hoos ku xusan lagu saleeya.

• Qaababka weerarka :- kala eexasho, Sameynta sharci-dejin khalkhal ah, iyo in kalsooni daro laga qabo hab-socdaalka sharciga
• Natiijada :- Cadaalad daro, aaminaad la'aan iyo burburka dastuurka waddanka.

2. Xiriirka Bulshada:- wada xiriirka bulsheed waa mid uu ku dheehanyahay sal qoysnimo, sii loo baabi'iyo waxaa uu midowgii soofiyeetku ku saleyay nidaamkiisa habka gaar-yeelidda ku dhisan ee bureacracy, waxaana ka mid ahaa qaababki qarsoona ee dilaaga aha ee eexashada iyo kalinimo kiilka ah.

• Qaababka weerarka :- xuquuqda shakhsiga ah oo lagu ixtiraami waayo, Isla markaana lagu andacoodo in waajibaadku ka horeeyaan xuquuqda. Tani waxay keenaysa in dabaqada "Proletariatka' ah ama Xoogsatada ihii ay gadoodaan isla markaana ayba ku fekeraan nidaamka shuuciga ah ama hantiwadaagga ah ee iyaga uga hiilinaya dabaqadaha ka sareeya ee burjawaasiyiinta iyo maamuusleyda ah
• Natiijada :- In la heli waayo shakhsiyaad xaq uu dirir ah oo ka falceliya arrimahaas iyo dulmi baahsan oo awood sheegasho ku yimaadda. Bar-bilowga dagaalo sokeeye oo ka dhex aloosama dabaqadaha tartamaya ee bulshada. Kacdoono iyo inqilaabyo ay oogaan dabaqadda "Proletariatka " ama xoogsatada ah, kuwaaso ka dhan ah dabqadaha ka sareeya.

3. Amniga:- Cadaadiskii midowgii soofiyeeti waxaa uu badana ku wajahna dhinaca amniga, sii ay meesha uga baxdo xasiloonida iyo daganaanshaha ummadaha.

• Qaababka weerarka :- arrimaha sirdoonka ee sirta iyo xogaha ah oo lagu ag fashiliyo shisheeyaha iyo warbaahinta, ciidamada kala duwan oo maqaamkooda dhulka lala dhaco, lana muuq siibo, xeeladan oo loo marayo qaab jahwareer ah waxaana qaar ka mid ah shacabku isku mitaalayaan ama wanjalayaan ciidamada ummadda, isla markana waxay galaafanayaan wajigii wanaagsana ee ciidanka.
• Natiijada :- Xasilooni daro, kala qaybsanaan ummadeed iyo abuurmanka maleeshiyaad hubeysan oo bulshada dhexdeeda ka abuurma.

4. Siyaasadda Gudaha:- badanka bayhoofka iyo siyaasadda xumada uu geysan jiray midowgii soofiyeeti waxaa badana uu asiibi jirey hab-maamuulka gudaha isla markaana sii xagjirnimo leh.

• Qaababka weerarka :- is xisbeysii siyaasadeed, kala duwanaansho qadiyadeed iyo sameysanka ururaad uu taagan kala qaybinta ummadda iyo in ummadda hogaankooda lagu diro.
• Natiijada :- Midnimo la'aan siyaasadeed iyo kala qaybsanaan siyaasadda gudaha ah

5. Dibedda:- Haddaba marka la beegsanayo shakhsiyaadka ka soo jeeda waddamada diiradda soofiyeetku saaranyahay, waxaa marka ugu horeysa fikir ahaan iyo muuqal ahaan dhici karta in sii indha La'aan lagugu kulansiyo badana dadka lagu tuhminayo kha'inimo sii hadhow eedeyn been abuur ah lagugu soo tuhmo isla markaana lagugu dhejiyo shaambad qaran-dumis.

• Qaababka weerarka :- Tuhmin been abuur ah, la saaxiibka shakhsiyaad lagu maleegay ama la soo faray.
• Natiijada :- Go'doon wakhti dheer ah, Xabsi-gal, iyo arrimo been abuur ah oo dusha lagaa saaro.

J) NOLOSHA GUUD

Qaybtani waa qaybta ugu culus ee uu soofiyeetku ummadaha kasoo weerari jireen isago kala geynaya arrimaha nololeed ee ummadda dhexdeeda ah.

Qaybaha Nolosha guud:

1. Qoyska iyo bulshadda:- Qoyska iyo bulshadu waa tiirka ugu muhimsan ee ummadi ka noshahay, waana xuddunta aasaaska uu ah jaceylka dhexyaala ummadda, haddaba soofiyeetku meelaha ugu muhimsan ee uu ka soo weerari jiray waxay ahayeen dhinaca lamaanaha, sii ay uu soo baxaan jiilal nolosha ka dhici kara, isla markaana abuuraya darxumo iyo bayhoof bulsheed iyo jaahilnimo bulsheed.

• Qaababka weerarka :- Abuurmanka xaalado kala guur ah isla markaana abuura is furitaan qoyseed oo lamaane, iyo abuuritaanka dareen neceyb ah oo dhaxeeya bulshada.
• Natiijada :- kalsooni darro qoyseed , is-aamin la'an bulsheed, darbi jiifnimo iyo yaraanta tirada dhalashada bulshada, taas oo sababaysa burburka waqtiga dheer ee bulshada ama ummadaha.

**2.Caafimaadka **:- marka ummadd la wiiqayo jiritaankeeda nololeed waxaa ragaadin iyo dabino lagula kaca hab-nidaamka caafimadeed ee ummadda, iyado meesha laga saarayo aqoonyahankeeda iyo qaabeeyeheeda caafimaadeed. Haddaba hababkii ugu saameynta badna ee soofiyeetku dabin-dhigi jiray waxa kamida.

• Qaababka weerarka :- abaabul wadar ah oo qaybaha mala'awaalka ku dhisan, sida sameynta xarumo lagu miir doorsinayo shakhsiyaadka iyo bulshada, soo saarista daawooyin dilaa ah iyo quud lagu tarmiyay kimikooyin oo ugu dambeyntii sababi kara halaag caafimaad iyo mid nafsiyadeed oo ummadda ku habsada.
• Natiijada :- Halaag nafsiyan ah, bayhoof iyo niyad jab umadeed.

3. Cirqiga:- habka ugu dileysan ee ummadd lagu kala geyn karo, waa qiimo tirida cirqiga ama anafada qoomiyadeed ee ummadd taaso leh qabiilo iyo reero hoosaadyo ay ka soo jeedaan. Sidoo kale isku dirridda iyo kala eexashada qabiilada ummaddu uu kala baxdo.
waana asbaabihi uu ku guuleystay soofiyeetku, gaar ahaan yemen iyo ummaddeenan soomaaliyeed.

• Qaababka weerarka :- tafaaftirka iyo soo saarista ajendayaal kala soocaya curuuqda, qabiilada iyo qiimo tirka martabadaha bulsheed ee kala duwan, sidoo kale qalaalase abuur uu dhaxeeya curuuqda dhaladka ah iyo qoomiyadaha kale ee ku nool waddamada qoomiyadaha badan leh.
• Natiijada :- Nacayb curuuqeed, cunsuriyad baahsan, kala qaybsanaan bulsheed.

4. Caqliyadda dadweynaha:- saameynta taban ee maskaxeed ee dadweynaha lagu kaca waa waddada halaaga iyo dumitaanka ummadda.

• Qaababka weerarka :- abuuritaanka fikrado anshax xumo ah iyo magaaleynta oo ah bedelidda hab-dhaqanka iyo hab-fikirka dadweynaha, iyado lagu saleynayo heerka wacyigeeda.
• Natiijada :- badnaanta fikiradaha baadilka ah, Kala-goyn shisheeye oo uu sababay faragelinta shisheeyahu, Kala qoqobnaan iyo soo ifbaxa burbur maaganayaal.

5. Hab dhismeedka shaqeed:- jaahilka oo la aamino iyo iyo haldoorko laga aamin-baxo, waa mid kamida silsiladaha burburka uu keena ummadaha,

• Qaababka weerarka :- abuuritaan colaadeed oo uu dhaxeeya shaqaalaha kala qolyaha gaarka ah iyo qolyaha dawladeed.
• Natiijada :- Hanjabaado ka baxsan xeerarka dastuuriga, taaso ugu dambeyntii sababi karta qalaalase amni iyo mid bulsheed.

2. Destabilization: Marxaladda xasillooni darrada

Marxaladdan waxay qaadan doonta ku dhawaad 2 sano ila 5 sano oo xasilloono darra'a, waana aasaaska muqaddaska ah ee sababa burburka ummadaha ama aan yiraahdo ummadda.

B) Halganka awoodeed :-

Waa aminta oogitaanka xasilooni daradda

• Qaab weerarka :- ku dhex Abuuritaanka bulshada fikrado liddi ku ah hanaanka siyaasadeed ee dawladda iyo ku kacdoon halgan awoodeed ah oo hab masuuliyad darro ah ku dhisan. Sidoo kale abuuritaanka colaad uu dhaxeysa qolyaha Asalraaca ah (Righ Populist) iyo qolyaha casri-raaca ah (Left Populist).
• Natiijada :- isticmaalka awoodda dawladeed ee habka keli talisnimadda ku dhisan ama (big brother phobia) tano ah isticmaalka dareen cabsi gelin ah iyo la socodka arrimaha nuxureysan ee bulshada, gaar ahaan arrimaha ku saabsan siyaasadda iyo awoodda. Arrinkan oo ugu dambeyn keenaya cabsi bulsheed.

T) Dhaqaalaha :-

Marka laa doonayo in hab-dhismeedka dhaqaale laa wiiqo, waa in loo sameeya ururaad ku bahoobay budhcadnimada iyo kala qaybsiga hantida ummadda, iyado lagu saleynayo heerka xisaabtanka bulsheed iyo wacyiyoogada guud.

• Qaababka weerarka :- Burburinta geedi socodka gorgortanka dhaqaale, hanti- goyn sifo siyaasadeed ah.
• Natiijada :- Hanti-lunsi ku dhisan keli talisnimo, iyo ku sifoobidda nidaamka cabsi gelinta ah ee (big brother phobia).

J) U dhaxeynta bulshadda :-

waddooyinka ugu culus ee ummadaha lagu kala goyn karo, waa inaan dhexdhexaad loo noqon oo eexashada iyo qaraabo kiilku ay yihiin ajendaha guud ee wax lagu dejiyo.

• Qaababka weerarka :- aasaasidda ururaad dano-haybeed ama qabiili ah, isla markaana uu dhaqaaqaya arrimaha siyaasadeed ee xidiidaysiga ku dhisan (Grass- roots Movements).
• Natiijada :- Maamuul ku dhisan hab qabiileysan oo keli talis ah (mobocracy) iyo burbur ku yimaadda awooda bulshadda.

X) Siyaasadda Dibedda :-

Midowgii soofiyeet qorshayaashii ugu muhimsana ee uu ku dhisi jiray nidaamkiisa, waxaa kamida ahaa kicinta xaalad qalalaase oo dibedda ah.

• Qaababka weerarka :- go'doon dibedeed, alifidda sameysanka siyaasad ama hogaamiye mucaarid ah oo tarxiil ah oo doonaya talada dalka iyo isbahaysi xisbiyeed ee ku dhisan nidaamka (bureucracy) biruuqraddiyadda.
• Natiijada :- imaatinka xaalad xoog ah oo bartilmaameedsan sii loo go'doomiyo hanaanka siyaasadeed ee waddanka sii qalaalaase uga oogmo gudaha dalka. soo bixitaanka siyaasad dibadda laga soo dhisay oo ku dhisan hab-meeqameed laga been abuurtay.

3. Crisis: Marxaladda qalalaase abuurka

Qalalaase abuurka - tani waa tallaabada ugu weyn ee nidaamkan, iyaddo soconaysa illaa lix toddobaad (2-6 todobaad), waana marxalladda dagaallada sookeeye ama kacdoonada siyaasadeed ay oogmaan, waxayna ku lug leedahay isbeddelka awoodeed ee kacaanka ku dhisan. Halkani waa meesha ay ka dhacdo musiibo kicisa qalalaase iyo xiisado joogta ah oo isla markaana waddanka u qeybisa koox-koox maleeshiyad ah taas oo argagax ku abuureysa muwaadiniinta. Marxaladan waxay leedahay Astaamahan, waxaana ka mid ah wareejinta ama kala soocida dastuurka iyo beddelidda nidaamka jeeggareynta (Checkings) iyo isuu dheelitiri la'aanta dowladda iyo suurtagalinta sharciyadda dagaalka (martialism).

4. Normalization: Marxaladda caadi ahaanshaha

Marrxaladdan ugu dambeysa waa marxaladda ay dadku ugu dambeyntii aqbalaan oo ay bilaabaan ku fikiridda isticmaalidda nidaamka shuuciga ah ee (Communism) kadib burburka ku yimid nidaamyadoodi hore, waana xaalad qasab ah oo midowgii soofiyeeti ku cadaadin jiray waddamada uu burburiyay sida Koonfurtii Fiyetnaam iyo Afqanistaan oo 1979kii ku cadaadiyay. Tani waxay qaadan kartaa ilaa labaatan sano in la dhammaystiro, balse hannaankan caadi ahaanshaha waa mid gaabis ah oo aan shuruud lahayn oo loogu talo galay in lagu quusiyo laguna xajiyo xaaladihii bulsheed ee niyad jabinta, khalkhal gelinta xasiloonnida ee isla markaana keentay xiisadihii horseeday burburka iyo hallagga ummadda.

---

Tixraac: buugga Novosti KGB, Documentiyada haayaddii KGB, Documentigii " SUBVERSION PROCESS " ee uu soo saaray Yuri Bezmenov Sanaddii 1984kii.